اولا أنا بهدى البوست ده لكل حد داخل على المرحلة دى وكمان الناس اللى عايشين هذه المرحلة وخاصة للسيد ومحمد صحابى ,السيد خلاص خطب ولبس الشبكة,وإن شاء الله قريب محمد هيلبس شبكته وألف مبروك ليك يا سيد انت ومحمد... إحساس حلو وجميل إنك تكون بتحب حد وهو كمان بيحبك أوى والحد ده بيكون اهم حاجة عندك فى الدنيا وأنت كمان بتكون أهم حاجة عنده.
إحساس حلو وجميل لما تلاقى حد بيخاف عليك أوى.إحساس حلو وجميل لما تلاقى حد بيحبك أوى.
إحساس حلو وجميل لما تلاقى نفسك أهم حد عند أهم حد فى حياتى.
إحساس حلو وجميل لما تلاقى الدنيا كلها حلو من حواليك.
إحساس حلو وجميل لما تلاقى كل دقة من قلبك بتنادى على الحد ده.
إحساس حلو وجميل لما تلاقى روحك طايرة بترفرف حواليه.
إحساس حلو وجميل لما تكون بتحب حد لدرجة إنه مهما يعمل فيك بتحبه برده.
إحساس حلو وجميل لما يكون الحد ده كأنه بحر كبير تحكيله أفراحك وأحزانك وهويسمع
ليك ويفرح لفرحك ويهون عليك حزنك وجرحك.
إحساس حلو وجميل لما تحس إن الحد ده حته منك.
إحساس حلو وجميل لما تكون تعبان وتشوف حبيبك ترتاح.إحساس حلو وجميل لما تكون مشتاق لحبيبك وهو قدام عينيك .
إحساس حلو وجميل لما تكون إنت وحبيبك عايشين روح واحدة.
إحساس حلو وجميل لما تشوف بقلبك فى عيون حبيبك كل اللى بتتمناه.
هى دى فترة الخطوبة وما تحمله من معانى جميلة وممكن فى بعض حالات الحب الصادقة تكون المعانى دى موجودة.
هناك 19 تعليقًا:
اخى الحبيب احمد بدر
احب اهنئك على مدونتك الجميله وقولك شكلك هتنافس على احلى مدونه على النت وعلعموم استمر يا ابنى ليك مستقبل فى عالم المدونات
وكمان مبسوط انى اول حد يعلق عندك فى المدونه افتكرها دى ههههههههه
وطبعا موضوع الخطوبه حلوه جدا وشكلك رومانسى كبير وان شاء الله نسمع عنك اخبار حلوه قريب
مستنيين منك مواضيع اكتر واكتر
وبالتوفيق يا اخى
وجزاك الله خيرا
شكرا ليك يامحمد على تشريفك للمدونة وعلى تعليقك للموضوع وانت فعلا اول حد يعلق عندى فى المدونه ودى حاجة اسعدتنى جدا وألف مبروك على الخطوبة وربنا يوفقك ويسعدك وأتمنى إنك تشرفنى دايما بتعليقاتك الجميلة...
صباح الخير يااحمد
...
ومبروك المدونة يارب تكون كلها خير
انت زرت مدونتي وعلقت علي البوست الاخير
وشدني ردك فدخلت عندك المدونة
علي فكرة اسم مدونتك اكثر من رائع والله
"حراء"
انا افتكرتك الاول بنت بس لما دخلت عرفت انك احمد
..
تسمحلي هضيف اسم مدونتك عندي عشان الكل يشوفها ويدخلها..لو موافق عرفني..
Deal
???
انا قريت الاربع بوستات الي انت كتبتهم
حبيت اوي احساسك الطيب ناحية اصحابك الي اتخطبوا وبإ‘ذن الله صاحبك هيفهم ان نيتك صافية وانك فرحان عشانه
البوست بتاع الدعاء عجبني اوي يمكن لان الادعية الي فيه يومية وبتسيب اثر طيب في النفس..ويمكن ان اسمي دعاء وتلاقيني اتشد بسرعة لاي حاجة فيها دعوة لرب العباد
..
عقبالك يارب لما تخطب وتجرب كل احساس انت كتبت عنه..ربنا يرزقك بالزوجة الصالحة
..
احمد بس ليا تعقيب لو تسمحلي ؟
ممكن
.؟
مدونتك شكلها هاديء ومريح للنفس.. بس لو ينفع تغير البانر لانه طويل اوي ومش فيه كلام او صور قصره او ممكن تحط بانر جديد..
يارب متكنش زعلان من ملاحظتي
بس انا لما كنت مدونة جديدة كنت حابة ان حد يقلي الشكل العام عامل ازاي
..
اسفة طولت اوي بس مبسوطة ان في مدون جديد انضم لينا وكمان بيقول كلام حلو
الله حافظ
...
دودو
اوه اسفة يااحمد ظهر البانر خلاص
كان الاول مش ظاهر عندي
جميل
يومك وردي
شكرا يادودو على تعليقك الجميل ...
ويخصوص اضافة اسم مدونتى عندك ده شىء يسعدنى جدا جدا.
وبخصوص ملاحظاتك على المدون على فكرة انا مش بزعل لما حد يعطينى نصيحة على اى حاجة انا بعمل بل بالعكس ببقى سعيد جدا.
مع خالص تحياتى..
احمد
ربنا يرزقك بالزوجة الصالحة قول امين
ماشاء الله على حبك لاصحابك
يارب تكونوا كده على طول يارب
شكرا ليك يا sometimes على تعليقك واتمنى انك تشرفنى دايما بتعليقاتك.
وجزاك الله خيرا.
احساس حلو وجميل انك تعيش مرحلة الخطوبة
الهيروين بقه اسهل دلوقتي يا راجل
بس والله بوست جميل
متفائل كده بيفكرني بالحب بتاع زمان
جامد الموضوع ده
شكرا ليك ياطارق على تعليقاك وخليك متفائل ياعم واتمنى انك تشرفنى دايما.
بالتوفيق.
الف مبروك لاصحابك
وعقبالك انت كمان
والله بنفرح لما نلاقى ان فى شباب ربنا مقدره على الطريق الصحيح
ويبعد عن اللعب
مبروك المدونه وعقبال مانحتفل بعديك السنوى الاول
أحمد
كلامتك جميلة أوي ومعبرة عن أحاسيس تملأ قلوبنا ليس فقط مع الحبيب وليس فقط مع الشريك بل تنطبق على الأهل والأصدقاء
إحساس حلو وجميل .. امتلكني حين قرأت كلماتك
بارك الله فيك وأسعدك
تقبل مروري ::
عبير
بندقة
شكرا ليك لتشريفك مدونتى وعلى تعليقك الجميل.
واتمنى انك تنورينى دايما.
بالتوفيق
احمد
عبير
شكرا ليكى لتشريفك مدونتى المتواضعة وعلى تعليقك الجميل.
واتمنى انك تشرفينى دايما
مع خالص تحياتى
احمد
أخي أحمد بدر
عاوز اقول لك ان مدونتك من اروع مايمكن بجد
اسم رائع،وشكل رائع للمدونه بجد
بس علي فكره عرفتني حاجه مكنتش اعرفها عنك خالص وهو انك باين عليك رومانسي جامد قوي
واحساسك عالي كتير،اتمني لك ربنا يوفقك في حياتك ونسمع عنك كل خير قريب جدا وتحقق كل اللي بتحلم بيه،
وتجرب الاحساس الجميل اللي انت وصفته في البوست علي ارض الواقع،
علشان انت شخصيه جميله بجد وتستحق كل خير،
خالص تحياتي واتمني تنورني دايماً
شكرا ليك يا محمد على الكلام الجميل ده ولتشريفك مدونتى المتواضعة ولملاحظاتك الجميلة على المدونة
بالتوفيق
واتمنى انك تنورنى دايما
فعلا والله كل الاحاسيس دي بتتولد جوه كل حد بمجرد وجود دبله بتحمل اسم الشخص اللي اصبح نصفه الاخر
انا بحيك بجد علي تلك الكلمات :)
eno
شكرا ليكى على التعليق الجميل
واتمنى انك تنورينى دايما
مع خالص تحياتى
انا عاوزة من ده مليييييييييييش دعووووووووووووووووووووووة
الله بجد جميييييل خالص
تحياتى
ايه الشقية الشعنونه
اخبارك عاملة ايه
شكرا ليكى على التعليق ولتشريفك المدونه
ويارب يسعدك ويرزقك بابن الحلال اللى يسعدك ويقلك كلام احلى من كده بكتير
مع خالص تحياتى ليكى
إرسال تعليق