الخطوبة

اولا أنا بهدى البوست ده لكل حد داخل على المرحلة دى وكمان الناس اللى عايشين هذه المرحلة وخاصة للسيد ومحمد صحابى ,السيد خلاص خطب ولبس الشبكة,وإن شاء الله قريب محمد هيلبس شبكته وألف مبروك ليك يا سيد انت ومحمد...

إحساس حلو وجميل إنك تكون بتحب حد وهو كمان بيحبك أوى والحد ده بيكون اهم حاجة عندك فى الدنيا وأنت كمان بتكون أهم حاجة عنده.

إحساس حلو وجميل لما تلاقى حد بيخاف عليك أوى.
إحساس حلو وجميل لما تلاقى حد بيحبك أوى.
إحساس حلو وجميل لما تلاقى نفسك أهم حد عند أهم حد فى حياتى.
إحساس حلو وجميل لما تلاقى الدنيا كلها حلو من حواليك.
إحساس حلو وجميل لما تلاقى كل دقة من قلبك بتنادى على الحد ده.
إحساس حلو وجميل لما تلاقى روحك طايرة بترفرف حواليه.

إحساس حلو وجميل لما تكون بتحب حد لدرجة إنه مهما يعمل فيك بتحبه برده.

إحساس حلو وجميل لما يكون الحد ده كأنه بحر كبير تحكيله أفراحك وأحزانك وهويسمع

ليك ويفرح لفرحك ويهون عليك حزنك وجرحك.

إحساس حلو وجميل لما تحس إن الحد ده حته منك.

إحساس حلو وجميل لما تكون تعبان وتشوف حبيبك ترتاح.
إحساس حلو وجميل لما تكون مشتاق لحبيبك وهو قدام عينيك .
إحساس حلو وجميل لما تكون إنت وحبيبك عايشين روح واحدة.
إحساس حلو وجميل لما تشوف بقلبك فى عيون حبيبك كل اللى بتتمناه.
هى دى فترة الخطوبة وما تحمله من معانى جميلة وممكن فى بعض حالات الحب الصادقة تكون المعانى دى موجودة.

قل واربح

سلام عليكم إزيكم ياجماعة وحشتونى انتم عاملين إيه يارب البوست ده يعجبكم بجد هو مهم لينا كلنا فيارب ينفعنا ونستفيد منه ولا تنسونى بخالص دعائكم والبوست اسمه قل واربح فيارب كلنا نحقق الربح...

الربح فى دعاء الاستيقاظ من النوم

قل عند الاستيقاظ من النوم:لا إله إلا الله وحده لا شريك له, له الملك وله الحمد وهو على كل شىء قدير, الحمد لله وسبحان الله ولا إله إلا الله ولا حول ولا قوة إلا بالله.

واربح:إجابة دعوتك إذا دعوت ...وقبول صلاتك إذا صليت.

عن عبادة بن الصامت رضى الله عنه عن النبى صلى الله عليه وسلم قال "من تعار من الليل فقال:لا إله إلا الله وحده لا شريك له, له الملك وله الحمد وهو على كل شىء قدير, الحمد لله وسبحان الله ولا إله إلا الله ولا حول ولا قوة إلا بالله ثم قال :اللهم اغفر لى أو دعا استجيب له,فإن توضأ وصلى قبلت صلاته" رواه أبو داود .والبيهقى تعار اى..(استيقظ)

الربح فى دعاء لبس الثوب

قل عند لبس الثوب:الحمد لله الذى كسانى هذا الثوب ورزقنيه من غير حول منى ولا قوة .

واربح: مغفرة ما تقدم من ذنبك وما تأخر.

عن سهل بن معاذ عن أنس عن أبيه رضى الله عنهم أن رسول الله صلى الله عليه وسلم قال" من لبس ثوبا فقال الحمد لله الذى كسانى هذا الثوب ورزقنيه من غير حول منى ولا قوة غفر له ما تقدم من ذنبه وما تأخر" رواه البخارى ...وأبو داود

الربح فى دعاء بعد الوضوء

قل بعد الفراغ من الوضوء أشهد أن لا إله إلا الله وأن محمدا عبده ورسوله.

واربح:فتح أبواب الجنة الثمانية تدخل من أيها شئت.

عن عمر بن الخطاب رضى الله عنه قال : قال رسول الله صلى الله عليه وسلم "ما منكم من أحد يتوضأ فيبلغ أو فيسبغ الوضوء ثم يقول أشهد أن لا إله إلا الله وأن محمدا عبده ورسوله إلا فتحت له أبواب الجنة الثمانية يدخل من أيها شاء"رواه مسلم .. يسبغ الوضوء... (اى يتمه)

الربح فى دعاء الخروخ من المنزل

قل إذا خرجت من المنزل:بسم الله توكلت على الله ولا حول ولا قوة إلا بالله.

واربح:تنحية الشيطان عنك وقول الملائكة لك هديت وكفيت ووقيت.

عن أنس بن مالك رضى الله عنه أن النبى صلى الله عليه وسلم قال"إذا خرج الرجل من بيته فقال:بسم الله توكلت على الله, ولا حول ولا قوة إلا بالله,قال يقال له حينئذ هديت وكفيت ووقيت فتتنحى له الشياطين فيقول له شيطان أخر كيف لك برجل قد هدى وكفى ووقى"رواه أبو داود... والترمذى

الربح فى دعاء الهم والحزن

قل:لا إله إلا أنت سبحانك إنى كنت من الظالمين.

واربح:إجابة دعوتك.

إقرأ: بالآيتين الأخيرتين من سورة البقرة.

واربح: كفايتها لك فى ليلتك.

عن عبدالرحمن بن يزيد عن أبى مسعود رضى الله عنه قال:قال رسول الله صلى الله عليه وسلم"من قرأ بالآيتين من أخر سورة البقرة فى ليلة كفتاه"رواه البخارى...كفتاه اى (عن قيامن الليل وقيل عن سائر الأذكار وقبل عن سائر الشرور)

احساس صعب

على فكرة أنا كنت متردد جدا قبل منزل البوست ده بس بعد تفكير طويل قررت انى لازم أنزل البوست ده لأنى حاسس انى هستريح كتييييييييييييييييييييييير بعد ما أقول اللى أنا حاسه.

أنا سميته احساس صعب لأنها فعلا حاجة صعبة لما بيكون جواك شىء معين عايز تقوله برده لحد معين ومش قادر عشان كده كنت متردد أنزل البوست زى ماقلت لكم الحد ده يبقى معرفة وفى واحد معرفة برده خطب حد معين فظن الحد الاولانى ان انا زعلان وبقى يتكلم باسلوب غريب رغم انى والله فرحان جدا للحد اللى خطب ده ومش زعلان انا بصراحة جوايا حاجات كتير مش عاوز أقولها عشان مجرحوش ومش عاوز برده ابقى سوداوى على العموم أنا يمكن استريحت نسيبا بس يارب لما يشوف الرسالة ده يفهمها ويحوش الافكار اللى فى دماغه دى !!!!!!!!!!!!!!!!!

ازيكوا ياجماعةعاملين ايهاأنا احمد ضيف جديد عليكم فى عالم التدوين يمكن الفكرة كانت فى بالى من زمان بس كنت مش ببقى فاضى رغم انى بحب أكتب وفى حاجات كتير عايز أقولها بس احيانا مش بعرف أقولها لحد فنويت أعمل المدونه وعبر عن كل حاجة جوايا!!!!